| 勁耐都冇時間打XANGA，年尾真係多人結婚到顛左，做到手都傷傷地，係呢排先有得慢慢休息下。其實有好多野想記低佢，因為呢個幾月真係好多好特別既經歷，亦都大至上叫好順利，好感恩，我成日都話自己係好好彩既人，唔知點解次次D緊張關頭都比我搞得惦，真係一次刺激過一次。 先講前兩日ADA同STANLEY既WEDDING，學JERRY哥哥話既，做朋友既單真係特別緊張，朝早都算好順利，外拍都幾好，但夜晚要做即日派相，我好緊張D相既QUALITY，幫手搞左一輪，又要影埋註冊，都已經冇乜時間搞自己條片，最大獲就係酒店部DVD機播唔到我隻成長片段碟，但佢又唔係完全播唔到，畫面OK，但聲就疾哂計，我係自己NOTEBOOK播又OK，証明唔係我隻碟問題啦，好在呢D野都唔係第一之發生係我身上，今次有NOTEBOOK係到，直接電腦出都OK，但最後都係個SCREEN16:9同4:3既問題搞左我一輪，其實我好怕播D片個比例比人拉長禁扁搞到變哂形，我情願CUT頭CUT尾都要個畫面試試正正，我已經再三同個STAFF講要做到我個要求，但最後成長片段係三個SCREEN中都係有一個變左形用16:9出(我真係唔知係咪酒店做既TECHNICAL STAFF都係腦殘，點解咁簡單既野叫極都冇一次做到比我!?).......算，我係條即日SLIDESHOW之前幾乎捉住個STAFF隻手續個SCREEN試比我睇最後先個個SCREEN出到我要既野。自己勁多野要做，又要確保出面D大合照既質素，仲要照顧埋酒店D腦殘STAFF，搞到我自己條片成9點幾先整完，最遲都算呢一次，但最後都好順利咁播到出街，THANK GOD~師父成日話要壓得住個場，最好有三幾手準備，確保萬無一失! 仲有，係夜晚註冊既時候律師講講下野支咪冇左聲，過左一輪都冇聲，搞到我都要出聲問"你地冇第二支咪既咩?"，佢竟然話成套音響跳左掣.....STANLEY完哂同佢地講"問我攞SERVICE CHARGE?你比左D乜SERVICE我?"，其實我覺得已經好比面，比著係我真係屈佢回返三幾圍既錢來，如果唔係要好似對D&G咁對佢，講緊既係TST美麗華酒店。 好多謝JERRY哥哥彈D單來比我做，雖然個D客多數都係冇乜要求，但影得多都學左好多野~又好多謝做過既客人再介紹D FRIEND幫襯我，我都唔知點感謝你地，唯一我可以做來報答你地既就係之後為你地介紹既朋友做得比之前再好，不斷進步同求創新就係PAM既精神~ 好多人都唔知，以為我影相一定係影人，其實我初初影相係影靜物起家的，最鐘意就係影D細細件既野，因為好簡單用支電筒仔都做到好多唔同既LIGHTING影到好多野，到而家可以用返個陣自己研究既技術係影介子上，好開心~ 心雄，有時都真係要冷靜返D，如果唔係好易車毀人亡，好在有刀哥呢位好PARTNER，大家有商有量，亙補不足，我地前途一定一片光明!!! 都未有心機同時間搞好PAM D野，成日想快D 正式LAUNCH都唔得，一定要快馬的起心肝搞好佢先。           
|
| |
| 趁年尾大旺大力為PAM催谷，果然得到相當唔錯既效果，為之後正LAUNCH呢個自立既BRAND打左一個好好既基礎，但亦都開始影相影到有D攰，亦周身傷，過埋呢個月真係要休息返一排，ANYWAY，點都頂埋呢個月先。 係呢排密集式拍攝過後，對於實戰(正確D講，係一D收錢既JOB)拍攝，又有一D新體會，畢竟收左人錢，就點都要交到貨比客，唔可以令客人失望，再者而家多數既客都係自己FRIEND或者REFERRAL，更加要令佢地滿意。實戰上場唔同好似D龍友私影咁，慢慢試、慢慢玩，唔岩試到岩、唔靚影到靚，但出JOB無論係PRE WEDDING、WEDDING DAY定係影STUDIO，都有時間上既限制，仲要係幾緊張下TIM，影唔好、影唔到，冇可能有機會比你再來，EVEN係STUDIO，BOOK左時間係咁多就咁多，好多時都滾水淥腳咁完成，又要化妝、補妝又要轉LIGHTING，都冇乜時間係中間REVIEW或者比你諗點影，所以每次最後睇相都好驚影衰左，但TOUCH WOOD SO FAR都未出過事，次次都好滿意。有咁上下經驗，就知道影好相唔單止要有技術，事前既準備更加重要，攞起部機前已經要知道自己想影乜、要點影，但最好既效果又唔係只係影之前諗好哂既SHOT，最好就係事前諗好哂所有SHOTS，但到上場就睇下有冇D即興既IDEA，有既就影左即興個D先，真係冇IDEA先影諗好個D。亦都要識作出適當既取捨，有時為左就環境因素，放棄某D靚既SHOT都冇計，咁先可以令成件事最後可以順利完成。但呢樣都係ART，點取捨又係要經驗+敏感觸覺先做得到、做得好。 我諗好既攝影師值錢既地方就係呢D CONCEPT、呢D準備，而呢D咁重要既野未必可以係PORTFOLIO睇到出來，所以我都好建議各位搵人影相都要好好了解下個攝影師先，並唔係話睇左PORTFOLIO入面有幾張靚相就係OK的。 要做好一件事、成就大事，我估唔單止需要熱情、興趣，仲要有某程度上既上癮，就係係你覺得好辛苦、好唔想繼續既時候，都要唔知點解咁做落去。 人是否越怕失去，就越想擁有更多?除左咁，其實仲有冇其他解脫既方法呢?我諗真係要研究下佛學。 當我很攰很攰的時候，有人拍拍我膊頭說聲加油就夠了。  好幸福的一家
|
| |
| 其實一直以來都好多謝MAY同阿肥對我既欣賞同信任，呢D支持係會我不斷要求自己進步既動力。尋日終於係佢地既BIG，都係我操刀負責拍攝，係做佢地個CHILDHOOD TRAILER個時睇到佢地之前既相已經知道佢地一齊左好耐，原來係18年!18年，即係佢有生以來一齊既時間仲多過冇一齊既時間，太利害~ 尋日既WEDDING DAY，雖然係簡簡單單，但老實講入面係充滿住我覺得完美既婚禮要有既野，唔係美輪美奐既場地，唔係有幾多精彩表演，係有班好友知己做兄弟、姊妹，有真心祝福自己既賓客、有新郎為新娘做既心思表演，真係好羡慕阿MAY同阿肥有咁多好朋友，你地一定會好幸福! 之前咁耐都冇落過雨，但尋日真係落左，仲要食完飯下晝先來最大雨，11月落咁大兩真係好奇怪，個天真係玩我，搞到冇得出去外拍，最後冇計，係酒樓現場影左D來補數。  Let's get wet......
 呢隻羅餸湯味薯片好好味~原來金裝嘉士伯係成8.6%酒精，幾乎同紅酒係一樣，同阿仁飲完兩罐都WING WING地。
 雖然只係幾句清唱既[喜歡你]，但我覺得阿肥已經好有心思
   
尋日有段小插曲，唔知係咪朝早影得太投入，竟然成個袋留左係酒店 ，仲要係去到酒樓先發覺，個一刻個心真係荒到透，好在有阿志同JERRY哥哥係到撐住，亦好好好好好彩咁酒店D職員幫我KEEP住個袋，THX GOD.......AGAIN，I AM FXXKING LUCKY!!!!拿拿聲飛去攞返返去現場兼用我最快既速度係現場諗構圖即影返三幾個SHOT，再趕到懶屎咁既速度做SAME DAY EDIT，最後又比我搞得惦。記得第一日跟師傅出去做野就同我講，係WEDDING DAY要影到親相唔難，亦都係一個基本要求，最難係要識壓得到個場，掌握所有變數，臨危不亂，咁先係一個好既攝影師，聽個陣都唔係好明，而家開始好認同，努力進步中~ |
| |
| 都唔知D咳幾時先會好，頭先又冇啦啦咳到停唔到，幾乎食左個D野都咳到嘔返出來，睇左兩次西醫一次中醫都搞唔惦，究竟邊個先可以幫到我呀?再係咁咳搞到訓得差，我會好快打柴......但有樣野都唔知開心定唔開心好，我覺得自己真係瘦左，我係想瘦D，但係唔係好想因為病而瘦LOR 前幾日重陽節雞銘約左我去踩車，個日真係一個踩車既好日，無論氣溫、濕度定係天色，都係一絕，唔太凍唔太熱，係屯門出發踩左4個鐘左右就到左上水，中途經過南生圍就食左個豆腐花，勁天然勁正~踩左廿幾KM，支500ml既水都未飲哂，去到上水就食左個TEA，最衰係以為7點後就CALL唔到車返去，如果唔係以個時既狀態係絕對可以踩到沙田都完，我諗都唔洗要好長時間。結果決定CALL車返屯門睇戲，睇<戇J>，冇想像中咁好睇，但得啖笑都係好既，始終MR.BEAM係好過癮。     去到皇崗呢個歷史時刻，緊係要影返張相啦，冇吹水架，有皇巴士係後面做証~
Steve Jobs終於都走左，個日知道左呢個消息之後都真係有D唔開心，冇左一位偶像，由6年幾前用我第一部iPod已經FEEL到佢個種點石成金既能力有幾神奇，真係唔知點解人地諗唔到既佢諗到，人地做唔到既佢做到，唔好講其他，我可以大膽講句，而家市面上都仲未有一部電話既穏定性、流暢性、簡單易用性可以媲美4年前出既第一部iPhone，Steve Jobs帶領住APPLE出既產品係比人地走前左好多年，彷彿佢就係一個係未來來既人一樣，前瞻同洞察能力係足以改變整個世界。另一樣我好欣賞佢既就係佢既演說能力，因為我都係一個好種意公開演說既人(睇唔出呢~?)，聽佢講SPEACH仲好聽過人地講故仔，每每都令人驚喜萬分~ANYWAY, 天下無不散之宴席，人總要一死，佢呢一生活出既價值，已經係平常人既唔知幾多倍了，RIP。 |
| |
